gurit kanthi tema Alam dening Septiana

1.       Alame wis owah

Wengi iki

Lintang ora ana sing katon

Sajak ngajak Jilumpetan

Megane sajak mendhung

Nutupi rembulan sing endah

Tak sawang alamku wis owah

Wengi padhang e kaya rina

Yen rina panase ngetenteng

Wis mboh! Pokoke alamku wis owah!

2.       Kahanane

Alas diobong

Pantai diregeti

Dalan dingo guwak sampah

Kebon dibabati

Dalan diambake

Jan tobat!

Kahanan apa iki ?

Alame padha dirusak

Banjur meh padha mangan apa yen panggon nggo nandur pari wis ra ana?

Banjur meh padha ngiyup ngendi yen wit-witan wis ditegori ora ditanduri meneh?

Banjur meh padha kepiye yen wis ra ana alam sing isa disambati?

Banjur meh padha yen kahanane ambyar kaya ngene?

3.       Gunung abang

Isuk pancen isih oren srengengene

Nanging kuwi udu sing jalari gununge katon abang

Katon banget abange

Emboh sansaya becii

emboh sansaya ora becik

jebule kuwi pratandha ora becik

ngageti-ngageti uwong pancen

gunungku kae

gunung sing tak bangga-banggake kae kobong!

La gek sapa sing tegel ngobong?

Apa  pancen amarga srengenge sing makantar-kantar leh ngenehi cahyane

Nganti sumlorote gawe panas lan kobong gunung abang kae

Dhuh gunung abang!

4.       Bencana alam

Dhuh Gusti!

Ampun duka!

Manungsa taksih butuh alam menika,

Ampun Gusti!

Ampun tsunami malih!

Ampun gempa malih!

Ampun Gusti!

Saestu kula nyuwun

Ampun duka!

Alam ampun sirna!

5.       Alam

Apa to alam kuwi?

Apa sing katon mata kuwi?

Apa sing ana ing njero lemah?

Apa sing katon endah kuwi?

Apa sing ana ing dhuwur langit kae?

Apa sing ora katon kaya bangsa lelembut kuwi?

Sak ngertiku alam kuwi ya kabeh sing dicipta marang Gusti Pangeran

6.       Alas

Ealah…

Alas sing jarene jantung donya

Lakok panggah dibabat

Alas sing jarene pabrik oksigen

Lakok panggah digawe bangunan

Yen alas e wis entek,

Meh padha tetanduran ning ngendi?

Meh do amebegan nganggo apa?

Ngertiya, menungsa isih butuh alas kanggo samubarang kauripan

Aja angger babat alas!

Nanging kudu diimbangi kanthi nandur uwit kang bakale dibutuhake besuke

Mboh uwit sing bakal dikanggokake kayune

Utawa uwit sing bakal dikanggokake buahe

Saorane donyane isih keiyupan

Ora panas lan hawane adhem!

7.       Udan

Megane mendhung

Langite peteng

Hawane adhem

Angine ngamuk

Wit padha joget ra aturan

Banyune sajak kasuntak saka langit

Kaya-kaya arep ngroyok sapa wae sing ora ngiyup

Mak tetes perih ning kulit

Mak bres nelesi awak sing ora tudhungan apa-apa

Sajak alame muntab ngetokake kabeh sing dadi murkane

Nanging, udan ya panggah udan!

Kuwi mung siklus alam

8.       Kali

Biyen wening rupamu

Tak nggo adus ana ing pinggiranmu

Tak nggo nglangi karo kanca-kancaku

Iwak katon mumpet wedi tak cekel

Seger banyune aku doyan ngombe

Saiki buthek banyu sing mbok ilikake

Ha kok njegur,

Wong nyawang wae sajak wegah

Katon kemproh!

O la dhasar menungsa murang tata!

Kaliku sing biyen kanggo ibu ngumbahi saiki diregeti!

Rumangsa wis ora butuh kali.

Peh umah wis ana “kamar mandi”

Banjur rumangsa kali wis ora penting

Kaya emoh-emoh o tenan ngopeni kali

Iwak wis ra katon amarga butheke banyu

Pancen kemproh menungsa kuwi!

9.       Sawah

Manjing isuk bar subuh

Tani menyang sawah

Gawa arit lan pacul

Niliki pari sing wis nguning-nguning

Manuk mprit padha becicit

Nutuli pari sing ana ing ulere

Ula sajak alon-alon nyawang kodhok

Tanpa aba-aba banjur dicaplok

Werok gedhe-gedhe sajak ngenteni tani bali

Supaya isa mangan pari tanpa konangan

La kae ana garangan

Jan sawah pancen akeh kewane!

10.   Srengenge

Yen isuk wernane oren gawe ayem

Yen awan panase nggaringke kumbahan

Yen sore sajak oren nggawe ati tentrem

Yen wengi ilang kaganti rembulan

Gurit kanthi tema Kahanan Bangsa dening Septiana

1.       Eman, bangsaku

Remuk. Ajur. Mbuh

Meh mbok piyeke bangsaku?

Meh mbok apakna negaraku?

Iki udu negara Ngalengka kekuasanmu!

Iki negara demokrasi!

Rakyat kabeh padha duwe hak nyuara!

Aja sak senengmu dhewe,

Mung merga koe panggedhe.

Eman bangsaku,

Yen kowe kaya mangkana

Eman bangsaku,

Yen kowe ra mikirna rakyate

Eman bangsaku,

Yen dikuasai wong sing ra mikir,

Blas. Aku ra gumun.

Nek isamu mung gawe remuk bangsaku

2.       Jarene

Jarene,

Negaraku negara demokrasi

Nanging..

Nyuara kudu diwanti-wanti

Rakyate mung bisu nek ditakoki

Nyuara wedi konangan wong mburi

Aja sampe salah ngomong sing ora mranani ning ati

Yo atine sing jare panggedhe kuwi!

Jarene,

Negaraku negara hukum..

Nanging..

Sing korupsi mlancong ning luar negeri

Sing mateni blas ora ana wedi

Sing ngrudapeksa dilindungi

Blas... kaya los saka ukuman

Jarene

Negaraku negara toleransi,

Nanging..

Beda suara padha disengit

Beda panemu padha ora dibala

La sakjane negaraku kuwi bangsa sing kaya ngapa?

3.       Sabda Pahlawan Kamardikan

Pring-pring wis dilancipi

Rasa ning ati wis dimantepi

Walanda-walanda wis padha diusir

Saiki wis wayahe

Indonesia kudu mardhika

Kanggo besuk anak putu

Supaya bisa ngrasake sugihe alam bangsa iki

Kuwi wis dadi karepku

Kuwi wis dadi tekadku

Saiki wayahe, Indonesia kudu mardhika

4.       Buruh

Bangsaku pancen sugih

Pesisir sing kanggo nelayan golek iwak

Utawa sawah sing kanggo tani nandur pari

Bangsaku duwe kabeh

Gunung, bukit, laut, sawah, kebon, utawa alas

Kabeh cumepak ana ing Indonesia

Eman, rakyate ora wasis ngopeni,

Malah kepara diopeni wong manca Negara

Rakyat mung dadi buruh

Diapusi, diopahi ora sepira a

Tenaga dikuras ora reti wayahan

Jan mesakna rakyate

Sing ora wasis ngurusi alame dhewe

Gelem trima resik diopekake karo wong manca

Ora nglegewa dene kapusan!

5.       Korupsi

Cah! Tak kandani!

Apa kowe padha ngrasa?

Budhaya pemerintah uwis owah

Konangan korupsi sajak bangga

Mlancong ning mancanegara sajak mulya

Ora mikir piye kahanane rakyat e,

Sing ketula tula kanggo makani pejabat

Ora mikir piye mengko keluargane

Sing diwènèhi nafkah haram

Sing dipikir mung dhuwit karo dhuwit

Kaya-kaya wis ora ana predhuline marang kahanan bangsa!

6.       Ora dadi ora waras

Caleg jaman saiki

Duweni prinsip

Angger dadi,

Dhuwit pira wae wani ditogake

Amarga bakale entuk balen saka jabatane mengko

Nanging, yen wae nora dadi

Bakale dadi ora waras!

Ora kabeh,

Nanging akeh nyatane!

7.       Politik

Jaman saiki apa-apa politik

Ora duwe dhuwit ora menang ning pengadilan

Ora duwe pangkat ora bakal mangkat menang

Ora duwe jabatan ora bakal isa menggak

Kabeh saiki di politik

Ora cerdas ya mung di apusi

Ora ngapusi bakal dadi sing kapusan

Wong jujur wis angel golekane

Wong curang ana ing sanggon-nggon

8.       Aneh!

Pancen aneh tenan negara iki

Sing kere diangel-angel

Sing sugih panggah disunggi

Sing mlarat digawe sekarat

Sing mulya sansaya mulya

Sing salah ora katon salah

Sing bener ora katon disawang

Merga apa?

Merga derajat, pangkat, uga jabatan sing jarene tumemplek

Sapa kowe, nemtokake kowe mengko ning pengadilan

Apa ora? Apa aku sing salah?

Yen ngono sing uwis uwis kuwi sapa sing bisa jelaske?

Sing nyolong dhuwit atusan yuta mlancong ing manca negara

Sing trima nyolong gedhang ben isa mangan malah ditahan ing pakunjaran

9.       Demo

Patlikur September rong ewu sangalas

Dina kang dadi sejarah kanggo mahasiswa maneh

Dina sing gawe sedalan dalan rame mahasiswa

Mahasiswa sing nakokake cethane revisi undang-undang

Ana apa? Kok undang-undang e direvisi kaya mangkono?

Ana apa? Kok sajak arep gawe geger negara?

Ana apa? Kok sajak gawe sing mlarat tambah sekarat?

Ana apa ing njero gedhung sing nggo “kerja” DPR kae?

Apa sing wis kedadeyan?

Apa sing ora dimangerteni rakyat liyan?

Kok revisi sajak ngajak geger

Mahasiswa sing arep nugas malah kepara melu demo

Ben supaya undang-undang e ora sansaya mlenco

10.   Budaya Bangsa

Bangsa sing jarene wis mardhika iki,

Wis arep kelangan ciri khase bangsa

Bangsa sing jarene wis mardhika iki,

Ngakehi olehe melu-melu budaya manca

Budaya bangsa malah kepara sansaya dilaleake

Oalah, para pejuang sing ngrebut bangsa iki saka Walanda apa ora gela?

Udu gela merga sing merjuangake nganti mardhika!

Nanging gela yen budaya sing diperjuangake malah dilaleake ngono wae!

Apa arep kaya mangkono? Apa ora gela?

Yen budaya mu kasep diaku budaya manca

Amarga rakyate wegah jaga

Yen ora bangsane dewe sing kudu jaga,

Banjur sapa meneh?

10 gurit kanthi tema Kampus dening Septiana

1.       Semangat mahasiswa

Isuk, awan, sore, wengi

Ra ana bedane

Mesthi ana wae kegiatane

Mboh kuliah, mboh nongkrong, mboh rapat, mboh mung kumpul biasa

Semangat mahasiswa sing makantar-kantar patut disengkuyung

Ngembangaké minat lan bakat awake bareng kanca-kancane

2.       Jare

Jare mahasiswa jawa

Nanging ora sitik sing lali babagan budaya

Jare mahasiswa Jawa sing gapyak

Nanging ketemu angkatane sajak ora reti

Jare mahasiswa kuwi kudu duweni rasa

Nanging anane mung rasan-rasan marang liyan

O la mahasiswa!

3.       Panggonan apa?

Kampus kuwi panggonan apa?

Panggonan kanggo sinau?

Panggonan kanggo organisasi?

Panggonan kanggo rapat?

Panggonan kanggo kumpul?

Sakjane kampus kuwi panggonan kanggo apa to?

Apa malah kepara mung panggonan kanggo pacaran?

Utawa panggonan kanggo sarana golek jodho?

Apa bedane?

Mboh! Ora paham!

4.       Tugas

Pancen dasare mahasiswa kesed!

Tugas seminggu digarap bengine sadurunge ditumpuk

Tugas sesasi ya ora ana bedane

Panggah digarap bengi sadurunge ditumpuk

Pancen kaya ngnono kuwi kelakuane mahasiswa

Alesane werna-werna

Sing jarene melek tekan wengi ya ana

Sing jarene kerja ya ana

Sing jarene rapat ya ana

Sing alesane jaga kampus apa ya ana?

Wis. Pokoke ana wae

Alesan yo mung nggo alesan!

Tugas ya tugas!

5.       Rapat

Isuk kuliyah

Awan kuliyah

Sore sing jarene kumpul sie

Bengine wis mulai rapat

Senin rapat

Selasa rapat

Rabu rapat

Kamis? Jumat?

Yo rapat uga

Sabtu? Minggu?

Alhamdulillah kadhang kala ya ana preine barang

6.       Ning ngendi?

Saben metu kos,

Aku ditakoki, “arep ning ngendi, Dhik?”

Jawabanku panggah “badhe teng kampus, Mbak.”

Pesene mbak  kos  “Sing semangat ya, Dhik”

7.       Gazebo

Saben arep rapat,

Mesthi ana bocah sing golek panggon

Mboh ning jaba ruangan

Apa ning jero ruangan

Panggon kelangenan e bocah-bocah ya gazebo

Gazebo kampus sing cedhak kantin kae

Pancen, jare cah jaman saiki

Favorit tenan!

8.       Jaga kampus

Mahasiswa kuwi werna-werna

Ana sing sugih ana sing prasaja

Ana sing royal ana sing ngirit

Ana sing ngekos ana uga sing turu kampus

Ya kuwi, mahasiswa jaga kampus

Niyate samesthine ya beda-beda

Kanthi alesan sing maneka warna,

Mahasiswa jaga kampus malah raket sesambungane

Padha ngerti lan apal kahanan kampus

Malah kepara dadi  dikenal mahasiswa sing liya

Mahasiswa anyar utawa mahasiswa semester tuwa

9.       Kampus

Ing kampus, mahasiswa padha sinau

Ing kampus, mahasiswa padha golek ilmu

Ing kampus, mahasiswa padha garap tugas

Ing kampus, mahasiswa padha golek wifi

Ing kampus, mahasiswa padha kumpul kancane

Ing kampus, mahasiswa padha rapat

Pokoke kampus, donyane mahasiswa

10.   Fasilitas Kampus

Jaman saiki, jamane wis canggih

Apa-apa sarwa online

Online butuh internet

Kanggo sing ra duwe kuota internet

Ya panggah golek wifi

Bejane jaman saiki

Wifi wis dadi fasilitas kampus

Ora ana wifi?

Cetha fasilitas kampus e kurang jangkep!

10 gurit kanthi tema Kabudayan

1.    Budaya kudu rembaka

Reog,

Jarene budayane cah enom,

Wayang,

Jarene budaya sing wis ilang?

Unggah ungguh,

Jarene budaya sing wis ra mungguh,

Tata krama,

Jare budaya sing wis ra ana?

Jare sapa?

He? Jare sapa?

Reneo! Meleko!

Kowe kuwi mung krungu jarene!

Coba sawangen! Coba ngerteni!

Kabeh kuwi prelu dilestariake!

Nek ora kowe-kowe meh sapa maneh?

Ora enom, ora tua, kabeh duwe budaya

Ora wong desa, ora wong kota, kabeh duwe budaya.

Kabeh kudu melu nglestarekake

2.       Jan Kebangeten

Budaya jawa jare kalah karo budaya manca

Budaya Jawa jare wis ra ana ajine

Ngrembakaake budaya kui kudu!

Udu. Udu budaya manca sing jarene lagi hits!

Ora mung budaya manca sing kudu disinaoni,

Nanging budayamu dhewe kudu dirembakake,

supaya ora ilang diaku wong manca

apa lila?

Yen budaya Jawa diaku marang Negara manca?

Apa lila?

Yen budaya Jawa wis ora ana maneh?

Apa lila?

Anak putu wis rareti budaya

Amarga wong tuwa sing wegah ngengalna.

Malah kepara wis lali budaya

Jan kebangeten!

3.       Reogan

Ah! Apike!

Padha jejogetan rana rene ing jero pager pring

Jarane di oyag-ayig bebarengan karo kanca-kancane

Pancen sajak nyeni!

Kuwi lak kanggo wong sing reti seni

Eh, lakok ana bocah wingi sore,

Sajak ngece budaya sing diduweni Jawa iki

Jarene Musrik,

Jarene kapir,

jarene iki

Jarene kuwi

Ealah nang! Ngertio!

Reog kuwi ora ngelek-eleki donya

Reog kuwi ora meh nyekuthuke agama

Sing main ya duwe agama

Kui mung budaya

Kui tinggalan leluhurmu

Kuwi kudu dirembakakake

Uga perlu dijaga!

Supaya ora ilang dipangan jaman!

4.       Ngendikane Ibu

Ndhuk,

Tak kandhani,

Jaman ibuk cilik,

Dolanane ibuk kuwi udu hape kaya sing mbok gujeng,

Ibuk biyen dolanane ya mung dakon, engklek, gobag sodor, karo karetan

La kok saiki dolananmu karo kanca-kancamu wis beda

Wis jamane canggih, kabeh serba elektronik

Pancen wis ra budayane bocah jaman saiki

Dolan ning jaba karo kanca-kancane

Gawe rame kahanan ing desa

Jan… ibuk kapang, Ndhuk

Karo budaya dolanan jaman biyen!

5.       Unggah-ungguh

Ndhuk, Le

Jaman pancen wis owah,

Kabeh wis padha canggih,

Nanging aja ngasi sing siji iki owah,

Unggah ungguh kudu mungguh

Wong tuwa kudu diajeni

Marang liyan kudu tetep ngajeni

Iki perkara budaya Jawa sing jare duwe tata krama

Udu perkara wong tuwa sing wis kuna

Ngertio! Budaya Jawa kudu tetep ngrembaka!

Aja ngasi dadi wong Jawa sing ilang Jawa ne!

6.       Langgar

Adan wis keprungu saka langgar

Bocah-bocah padha budhal menyang langgar

Rebutan panggonan salat sing ngarep dhewe

Bengok aamiin paling banter ben supaya padha krungu

Bubar solat padha melu imam wiridan

Rampung donga ora langsung bali

Malah kepara antri ngaji ing meja dawa

Nanging,kuwi biyen,

Nalika langgar isih rame bocah,

Budaya sing uwis punah

Biyen langgar rame bocah

Saiki bocah padha ing njero omah

Biyen maghrib rebutan sholawat

Saiki maghrib padha banterke suara teve

Langgar, muga rame meneh.

Kaya adat saben dina,biyen

7.       Bocah

Bocah saiki ora reti budaya

Emboh merga wong tuwa sing lali budaya

Emboh wong tuwa sing wis wegah ngelingke?

Jaman wis gawe  budaya daerah kegusur

Budaya daerah kaya-kaya wis ra kanggo

Wis ora dibutuhake lan dilaleke

Malah kepara bocah-bocah padha tiru budaya barat

Ealah cah, nguri-uri budayamu dhewe ki ya perlu!

8.       Mitoni

Wis gedhe temen weteng sing ana kandhutan e iki

Ra krasa umur kandhutane wis ngancik umur pitong sasi

Jabang bayi wis nendhang-nendhang sajak geger pengen metu

Calon ibu sajak mesem tan ora leren

Calon simbah ora leren olehe ngandhani calon ibu

Wis wayahe adat mitoni dianakake

Kanggo dongani jabang bayi muga lancar anggone lair mengko

Supaya ibu lan bayi padha sehat e nganti lairan

Gambar Kamaratih lan Kamajaya pralambang bagus anake

9.       Budaya Jawa

Budaya Jawa kuwi apa?

Budaya Jawa nggone sapa?

Budaya Jawa kuwi sapa sing ngajarake?

Budaya Jawa kuwi kudu diapake?

Cah, ngertiya

Budaya Jawa kuwi budayane wong Jawa

Sing jarene manggon ing Jawa Tengah, Ngayogyakarta, utawa Jawa TImur

Budaya Jawa kuwi ora mung diajarake, nanging kudu disinaoni

Budaya Jawa kuwi ya kudu dirembakake!

10.   Nyekar

Takbiran krungu saka masjid

Bubar sola ied

Nuli sing enom njaluk ngapura karo sing tuwa

Manjing srengengene wis radha munggah

Sing padha duwe leluhur budhal sarean

Ora liya kanggo ndongake leluhure

Supaya padha mulya ing alam barzah

Ora lali dhuwur kubur diwenehi sekar

Supaya tansah arum diambu kabeh ciptaNe Gusti

10 Gurit kanthi tema Katresnan

1.       Pedhot

Jarene tresna,

Nanging…

Pedhot karo sliramu,

Aku golek sing liya

Pedhot karo aku.

Sampeyan golek sing liya

Pancen. Dudu jodhone!

2.       Rasah dirembug

Perkara tresna ora perlu dirembug

Ibarat pengin susu ya kudu susu

Kasep seneng susu dikei kopi ya wegah

Ibarat seneng iki ya kudu iki

Kasep seneng iki dikei kae ya wegah

Kasep seneng wong kene dikei wong kana ya wegah

Kasep seneng anake iki dikei anake kae ya wegah

Kasep seneng sing gedhe dikei sing cilik ya wegah

Kasep seneng kowe dikei sing liyane ya emoh

Emoh ya emoh!

Kowe ya kowe!

Pokoke kudu kowe!

3.       Dak Nteni

Sajak ayu rembulan sing dak sawang

Ngelingake aku marang esem gumuyu mu

Gawe atiku tansah tratapan

Kelingan sliramu sing ning adoh paran

Kapang tenan rasane atiku iki

Kaya-kaya kudu mabur nemoni sliramu

Nanging adohe paran gawe aku kudu ngempet

Dongaku kanggo kowe,

Muga tresna iki bakal tansah kejaga,

Nganti mengko wancine aku ketemu karo sliramu

Tak nteni balimu, yayi!

4.     Sliramu

Mas,

pancene sliramu wis gandhul ning atiku

pancene sliramu tegel gawe aku kepikiran terus

pancene sliramu sing ana ing donyaku

hamung sliramu,

dhuh kangmas,

sliramu tansah gawe aku pengen ketemu

sliramu tansah gawe aku mesem guyu

sliramu tansah ana ing saben impenku

pancen sliramu,

sing dak tresnani

5.       Lungamu

Dek wingi,

Tak terne sliramu menyang terminal

Ngeterna sliramu sing arep pamitan

Netes eluhku krungu kabar sliramu lunga

Beja aku isih duwe wektu kanggo ketemu

Dhuh Dhek,

Lungamu iki mung bisa tak sangoni donga

Lungamu ing paran kudu pancen bener kanggo sinau

Aja ngasi adoh paran blenjani janji

Tresnaku iki ya mung kanggo sliramu

Senajan pirang-pirang tahun tetep tak nteni balimu

Dhek..

Apa kuwat aku mbok tinggal suwe?

Apa isa aku urip ning desa ora ana kowe?

Sing mesthi, lungamu tetep tak nteni baline.

6.       Bapak lan Ibu

Wengi sajak ngelingake,

Nalika biyen isih digendhong ibu,

Turu ning jaba dibopong bapak

Bapak, ibu, anakmu kapang

Tresnamu sajak gawe trenyuh

Sagedhene apa aku tresna

Kabeh ora bisa mbales budi bapak, ibu

Bapak, ibu

Dongaku marang Gusti Pangeran

Mugi bapak ibu pinaringan sugeng

Ing adoh kene,

tresnamu tansah wae gawe anget ati sing kademen iki

bapak ibu, aku tresna…

7.       Tandha Tresna saking Gusti

Sih wilasaning saka gusti

Gawe aku kelingan

Aku iki udu apa-apa

Tanpa tresna saka Gusti Pangeran

Cobaning urip kuwi tandha tresna

Nikmating donya kuwi tandha tresna

Bagas waras, gerah sayah kui uga tandha tresna

Apameneh sing gawe sumelang?

Tresna a marang Gusti Pangeran

Supaya Pangeran tresna marang awakmu

8.     Kanggo Kowe

Kanggo kowe sing tak tresna

Kanggo kowe sing tansah gawe mesem

Kanggo kowe sing gawe kapang

Ngertio.,

Ning kene aku kadhemen,

Kapang karo ruketanmu sing anget

Kang gumanthil ing ati tan bisa tak lalekno

Ndang bali, yayi!

Aku kapang!

9.       Bali kang sejati

Dina iki aku wis adus wangi

Dina iki aku wis macak rapi

Dina iki aku wis siap mangkat

Dina iki pancen wis tak nteni

Dina ing wayah kowe bakal bali

Tak nteni ing terminal kaya wingi

Sapa nyangka? Sapa ngira?

Kowe pancen bali tenan

Sedhih ati iki,

Balimu kang sejati,

Gawe ati nangis trataban

Nteni aku, bakal tak susul besuk

Dongaku, muga suwargi entukanmu

Aamiin…

10.   Tandha Tresna

Awak uwis wangi,

Awak uwis rapi,

Laku wis manteb

Merga ati wis gumantil

Dina iki tak tekani umahmu

Tak gawake sepasang cincin emas

Tak ajak bapak ibu lan serombongan

Mugi bapakmu ngijini aku nembung awakmu

Merga iki wiwitan saka tandha tresnaku marang awakmu

Saka kangmas kanggo nimas sing paling dak sayang.

CORETAN SAJAK : Mangsa Ketiga (Gurit)

Mangsa Ketiga

Angin sumilir saka etan

Panase ngetang-tang

Banyu kaya ora gelem-gelem a metu

Udan kaya ora gelem-gelem a mudhun

Dhuh Gusti...

Aku ora papa yen kudu donyaku kaya ngene iki

Angger iki amarga pancen wis wayahe

Wayahe donyaku kudu ganti mangsane

Dudu amarga owahing donya sing sansaya tuwa iki

Ora papa menawane pancen kudu ngene

Ora papa angger donyane isih kuat suwe

Aja nganti iki amarga Pangeran duka

Duka marang manungsa kang hina

Hina amarga nglakokake akeh dosa

ORGANISASI PROFESI HUMAS

A. PENGERTIAN ORGANISASI PROFESI HUMAS
         Organisasi profesi merupakan suatu wadah para profesional di dalam mengembangkan dan mengadakan suatu studi profesi. Organisasi profesi yang sudah mantab biasanya sanga berperan didalam menentukan kurikulum studi profesi, mereka juga aktif melakukan riset, serangkaian pertemuan, dan kontes program-program humas.
        Organisasi profesi humas merupakan suatu wadah para praktisi humas di dalam mengembangkan dan mengadakan suatu studi profesi humas. Berdasarkan organisasi yang sudah ada, organisasi humas dibagi menjadi 3 yaitu :

1. 1.       Organisasi yang menghimpun para praktisi humas secara umum,
2. 2.       Organisasi yang menghimpun perusahaan humas
3. 3.       Organisasi yang menghimpun para praktisi humas yang dibedakan berdasarkan jenis perusahaannya (misal : khusus perhotelan, khusus perusahaan kosmetik, dsb )

Amerika diakui sebagai negara pertama yang membentuk organisasi profesi bagi para praktisi humas. Pada tahun 1948 di Amerika terbentuk suatu wadah yang bernama Public Relations Society of Amerika (PRSA). Langkah ini diikuti oleh Inggris, Jerman, Belanda, Spanyol, Swiss.

B.      BEBERAPA ORGANISASI PROFESI HUMAS

1.       Perhimpunan Hubungan Masyarakat Indonesia (PERHUMAS)Perhumas didirikan di indonesia pada tanggal 15 desember 1972, dengan maksud untuk menghimpun dan membentuk  wadah bagi para praktisi humas. Tujuan perhumas adalah sebagai berikut :

1. 1.       Meningkatkan perkembangan dan ketrampilan profesional humas di Indonesia
2. 2.       Memperluas dan memperdalam pengetahuan mengenai humas
3. 3.       Meningkatkan kontak dan pertukaran pengalaman diantara para anggotanya
4. 4.       Menyelenggarakan hubungan dengan organisasi-organisasi serumpun dengan bidang humas, di dalam maupun di luar negeri

PERHUMAS memprakarsai berdirinya Federation of ASEAN Public Relations Organization (FAPRO)  pada tahun 1997 di Kuala Lumpur.  PERHUMAS ditunjuk menjadi tuan rumah konferensi FAPRO di Jakarta. PERHUMAS juga sudah tercatat dan diakui oleh IPRA dan pernah dipercaya sebagai tuan rumah konferensi IPRA pada tahun 1995. Indonesia telah menjadi board member IPRA. Bahkan pada tahun 2000-2001 Indonesia mewakili board member IPRA.
2.       Asosiasi Perusahaan Public Relations Indonesia (APPRI)
APPRI berdiri pada tanggal 10 April 1987 di Jakarta dan bersifat independen. Tujuan APPRI yaitu :

1. 1. Menghimpun, membina dan mengarahkan potensi perusahaan public relations nasional
2. 2. Mewujudkan fungsi public relations yang sehat, jujur dan bertanggung jawab sesuai kode praktik dank ode etik yang lazim berlaku secara nasional dan internasional
3. 3. Mengembangkan dan memajukan kepentingan asosiasi dengan memberikan kesempatan kepada para anggota untuk konsultasi dan kerjasama
4. 4. Member informasi kepada klian bahwa anggota APPRI memenuhi syarat untuk memberikan nasihat dalam bidang public relations dan akan bertindak untuk klien menurut kemampuan profesionalnya
5. 5. Merupakan sarana untuk para anggotanya dalam soal soal kepentingan usahan dan profesi
6. 6. Merupakan medium bagi masyarakat umum untuk mengetahui mengenai pengalaman dan kualifikasi para anggotanya
7. 7. Membantu mengembangkan kepercayaan umum atas jasa public relations.
8. 8. APRI telah menerbitkan kode etik profesi dan memberlakukan pada anggotanya.

APPRI telah menetapkan Kode Etik Profesi dan memberlakukan pada anggotanya.  Sejauh ini anggota APPRI telah berkiprah di tingkat internasional.
Selain PERHUMAS dan APPRI, di Indonesia didirikan Public Relations Society of Indonesia (PRSI) pada tahun 2005. Ada pula organisasi profesi yang lebih spesifik berdasarkan jenis usahanya. Contohnya : Perhimpunan PR Perhotelan  Indonesia, Persatuan PR Perbankan Indonesia, dan di kota Malang ada Forum Humas Perguruan Tinggi.
C.      ORGANISASI PROFESI HUMAS DI LUAR NEGERI
Organisai-organisasi humas di negara Eropa  berkumpul dalam suatu wadah organisasi di tingkat eropa, yakni Federation Associated Public Relations Organization (FAPRO). Aktivitas organisasi ini ditujukan untuk mengembangkan profesi humas (menyebarkan pentingnya arti humas bagi suatu lembaga, melakukan control akses, merumuskan dan memberlakukan kode etik profesi, melakukan evaluasi dan kontrol terhadap praktek humas para anggotanya), meningkatkan keahlian para praktisi humas dengan berbagai kegiatan pertemuan, riset, penerbitan, dn pengembangan pendidikan.
Berikut ini beberapa organisasi profesi humas di Amerika dan Inggris yang saya sadur dari internet :
1.      Public relations society of amerika (PRSA).
PRSA berkantor pusat di new York, berdiri pada tahun 1047. Tujuan didirikan PRSA adalah :
a.       Untuk menyatukan mereka yang melakukan kegiatan di bidang humas.
b.       Untuk mempertimbangkan segala masalah yang dihadapi bidang kehumasan.
c.       Untuk merumuskan, memajukan, mejelaskan kepada kelompok kelompok usaha,professional, dan lain lain.
d.       Untuk memperbaiki hubungan pelaksana humas dengan para majikan dan klien.
e.       Untuk memajukan dan berusaha mempertahankan standar yang tinggi mengenai pelayanan umum dan tingkah langku PRSA memiliki program tahunan, yakni pemberian penghargaan gold anvil award (GAW).
2.        Institute public relations of british (IPR)
PR berada di inggris dan didirikan pada tahun 1948 oleh sekelompok pegawai humas dari pemerintah pusat, local, kalangan industry dan sector perdagangan. Tujuan IPR adalah sebagai berikut :

1.        Untuk memajukan perkembangan humas demi kepentingan praktik tersebut di bidang perdagangan, industry, pemerintah local dan pusat, perusahaan perusahaan nasional professional
2.        Untuk mendorong dan memupuk ketaatan pada standar professional yang tinggi bagi para anggotanya dan untuk menetapkan serta merumuskan standar standar semacam itu.
3.        Untuk mengatur pertemuan, diskusi, konferensi dan lain lain mengenai masalah yang menjadi kepentingan bersama dan secara umum untuk bertindak sebagai wadah bagi pertukaran gagasan mengenai praktik kehumasan

3.        International public relations association (IPRA).
IPRA merupakan organisasi humas di tingkat internasional, terbentuk pada bulan mei tahun 1955 dalam suatu pertemuan di Stratford upon avon dengan tujuan sebagai berikut :

1.        Menyediakan jalur bagi pertukaran gagasan dan pengalaman professional antara mereka yang berurusan dalam kegiatan humas mengenai kepentingan internasional
2.        Mengadakan suatu rotasi / perputara apabila anggotanya setiap saat memerlukan pemberitahuan dan bimbingan
3.        Membantu mencapai kualitas tertinggi tentang praktik kehumasan
4.        Meningkatkan praktik kehumasan di semua bidang kegiatan di dunia dan memajukan nilai nilai dan pengaruhnya melalui promosi ilmu pengetahuan
5. .       Meninjau dan mencari jalan keluar terhadap permasalahan yang mempengaruhi  praktik kehumasan yang biasa terjadi di berbagai Negara.

Ssekian yang dapat saya sampaikan, kurang lebihnya saya mohon maaf (sok formal)

 hehehe... ^_^ :)